Shtrohet me urgjencë në spital, Fatos Nano në gjendje të rëndë shëndetësore

Shtrohet me urgjencë në spital, Fatos Nano në gjendje të rëndë shëndetësore

Ditëve të fundit si shumë emra tjerë ka qenë i përfolur për postin e presidentit edhe emri i ish kryeministrit Fatos Nano. Mirëpo burime pranë familjes bëjnë të ditur për ‘Shekullin’ se ish-kryeministri Fatos Nano është në gjendje të rëndë shëndetësore dhe po merr trajtim mjekësor. Dyshohet se 69-vjeçari vuan nga ceroza në mëlçi.

Foto e bardhe

Ish-kryeministri Fatos Nano ishte raportuar në gjendje jo të mirë shëndetësore edhe një vit më parë. Më 28 maj 2021 ai u paraqit në një spital në Tiranë për të marrë ndihmë mjekësore, ndërsa në pamjet e publikuara Nano shihej të dilte nga makina e tij, i shoqëruar nga bashkëshortja Xhoana Nano.

Në pamundësi për të ecur në këmbë, Nano, që mbante edhe një maskë mbrojtëse ndaj COVID, u mor me një karrocë me rrota për t’u futur në spital.

Tre ditë më pas, ai u pa në Rinas, ku priste të nisej jashtë vendit, ndërsa rojet e tij ndaluan kamerat e pranishme të merrnin pamje të ish-kryeministrit që kishte vështirësi në lëvizje.

Fatos Nano, ka shërbyer si kryeministër i Shqipërisë në vitin 1991, kur vendi sapo kishte dalë nga diktatura komuniste dhe më pas në vitet 1997-1998 dhe 2002-2005, kur pas humbjes së PS-së në zgjedhjet e 3 korrikut dha dorëheqjen nga drejtimi i PS-së dhe u largua nga skena politike.


Leave a Reply

Your email address will not be published.