Aida, bashkëshortja e banorit të BBV, Armaldo Kllogjerit ka reaguar sërish në lidhje me mesazhet që mbërrijnë nga fansat e Luiz Ejllit në Instagramin e tenorit, pasi ai e tradhtoi këngëtarin, të cilin e konsideronte si shok besnik brenda shtëpisë.

Në një postim në InstaStory, bashkëshortja e Armaldos, e cila i menaxhon Instagramin, shkruan se fansat e Luizit po oferndojnë pasi ndjekin shembullin e këngëtarit. Sipas saj, edhe ata që janë kundër ofendimeve dhe bullizimit kanë frikë të reagojnë nga mallkimet dhe ofendimet e fansave të Luizit, teksa e konsideron këtë si një alarm të kuq.

Profili do rri i hapur. Ofendoni, shfryni vrer e millefe sa të doni. Jemi popull me shumë halle dhe mbase duke ofenduar dhe mallkuar Maestron dhe familjen do ju rregullohet jeta, do ju mbarojnë hallet.